迪的生活碎碎念

八日七夜的遊記即將結束了
大家也有跟我一樣有不捨得的感覺嗎?
來到最後一天,
行程為
高雄糖廠sogo區機場
沒太多的行程,
除了怕趕不切飛機外, 還有的是,
其實…高雄, 並沒有太多景點/觀光點可以去
所以不好意思啦,
最後一天, 沒有影太多相…..
感謝上天, 來到了最後一日,
天氣依然很好!!!
一大早其實還有一個行程
就是到家樂福買芒果
哈哈, 沒辦法, 是肥細佬要求加插的
台灣芒果都又甜又大又好吃
推介愛文芒(外表紅色的)
本來以為到sogo/新光三越等地方會比較多和好,
(雖然也比較貴..但在香港, 貴和品質也算正比嘛!)
怎料, sogo/新光三越的超市,
都很難找到好的芒果,
結果到了物美價簾的家樂福!!!!!
還買了一包美味的山蘇(我們本來還打算買白苦瓜XDDDD)
回酒店放下芒果,
我們便出發了!
高雄捷運比較少乘客,
所以可以自由兼大膽地在博愛座拍照

其實我們對糖廠興趣不大,
到糖廠的原因是肥細佬堅持要找信不信由你奇搜館
有帶電腦到台灣的麻煩就是,
肥細佬可以在網上找一個有興趣去的地方(名稱),
然後要我找!!!!!!
幾經辛苦終於找到了~~~~
由於天氣實在太炎熱, 我們還是先去糖廠吃冰!
紅豆雪花冰(NT25) – 白底那個, 不錯喔!
紅豆酵母冰(NT25) – 黃底那個, 不….願置評
下次大家去, 識揀啦XD

信不信由你奇搜館內,
可以任意拍照,
每人入場費好像是NT60
內裡的東西, 大多是標本和一些小動物
標本都….頗嚇人的,
所以我都不放上來了…
以前香港也有個believe it or not,
比起這個, 香港的有規模得多了!!!
所以這個嘛, 如果不是肥細佬堅持要去,
我覺得, 不去也不是一個損失啦!
回去的時候,
在捷運站影了一些相
為什麼台灣的7-11就有這麼可愛的代言公仔

高雄的捷運站都很美,
這個應該是三多商圈站…吧?忘了!
其實我很想去南港站,
因為有很多幾米的圖!
但時間上不容許……
所以也就沒去了
最後我們到機場去,
高雄小港機場是超方便的,
捷運直達!!!!!
(但我們行李太重, 酒店又離捷運遠…所以..還是打的了XD)
回港時,
香港是晚上啦!~~~
還是覺得, 香港夜景最美

上面這個是什麼? 暗暗的?
哈哈, 是hk disneyland啦!
也許只有像我這樣一個小員工才會特意在飛機上留意它吧!!
雖然最後一天並不是很精彩,
但總算完滿結束了這個八日七夜的行程!!
希望大家也跟著我的相片,
飽覽沿途的風景, 用眼睛去了一次台灣
希望不久的將來, 我可以再次打遊記,
再帶大家去旅行吧

終於到第7日,
幸好給自己set左時間,
所以迫自己唔好懶, 要打!!!!哈哈
這天行程,
可以概括為 行街 – 食飯 – 再行街 – 再食飯 (完)
高雄景點不多….所以, 時間也超充裕…..
第1站, 我地去左影高雄必影既美麗島站
跟肥細佬搞gag, 美麗島站真美麗XDDDDD

之後時間仲早, 去左漢神巨旦行街街
迪媽媽有收獲喔!
呢間野賣牌子多, 不過都幾好行,
又有好多野食~~~(平既有mosburger,雪糕等等, 貴既日本料理都有)
之後行到咁上下, 就去左今日既重頭戲 – 便所餐廳
這個基本上是肥細佬去高雄的主要目的
香港的便所餐廳評價麻麻, 所以我地無去過
來到台灣, 當然去下啦!!!(正宗d嘛!)

我地嗌左2個main course+1個小食+2個dessert+2杯野飲,
total好似NT1000唔駛! 好抵呀!!!!!!
最抵係個甜品, 因為嗌maincourse +NT40就有~~
香港邊得呀
味道都唔錯, 唔叫超好味, 但一d都唔難食,
咁都係食環境姐~~~~~
不過都有樣野幾好笑,
岩岩去到果時,成間餐廳當時除左我地3個,
只係有1台賓賓…仲要好明顯係遊客樣
賓賓也去台灣???(冇歧視成份~~~)哈哈~~~~
仲要一提的是, 餐廳侍應都超．好．人
好服務, 有求必應,
當時因為少人 , 所以上層係冇開放,
但我地話想上去影相, 佢都即刻開燈開冷氣俾我地上去影!!
食完野, 就去行街啦!
去左夢時代先! 地標嘛!

入面有個好夢幻係細路仔地方, 好靚呀!!!
(我好白痴我知XDDDDD)
不過其實…..唔好話我話佢啦…..
大而無當 都冇咩野好行既…..
最好行咪間大創39元店囉(即係香港吉吉島$10店)
所以呢, 行左個幾鐘(因為都幾大下..)
就走左
去左原宿商圈+新堀江
如果同朋友行, 都好好行架! 好多野買(我都買左一條鏈)
首飾幾靚幾平, 好多韓國風/日本風既衫
不過同媽咪同細佬行, 感覺上就有d…..
一來細佬唔鍾意陪我地睇女裝,
二來我媽咪一向好極力唔俾我買衫的

結果除左條鏈之外, 消費淨係有呢個包咋…
嗯. 麻麻地好味, 可以不試(似麥記包…..)
之後因為細佬有要求 (搵芒果)
所以我地去左d大型超市…
地方名…唔係好記得啦XDDDD 又係d咩咩百貨咁啦
條魚好好笑, 好似戴左大眼con,
等我除左佢先XDDDDDD

因為地方近, 加上天開始暗, 所以去埋城市光廊
影相都幾靚既, 但都幾無聊
可能係當地人就會無野做去坐下hea下傾下計啦…
經過去下都幾好, 攝時間都幾好,
但特登去..趕住去就……可以免了XDDDDD
之後行去捷運站,
天色好靚, 所以都影左幾張相
自拍又係可以唔洗理我XDDDDD

個捷運站有個好大既啤酒罐 (exhibition?)
我細佬呢個酒怪(雖然未成年)當然入左去啦~~~
小心醉呀死o靚仔
我地返去夢時代, [...]

登登登登, 到左第6日喇,
成個旅程話咁快就過左3/4喇
打遊記都打到唔捨得完..哈哈
今日一早起身, 又係食7仔呢!(因為民宿包7仔coupon)
台灣7仔既叮叮飯真係好好味!!!
分分鐘好味過香港茶餐廳d碟頭飯(叮好味話即整, 你話死未XD)
第6日的行程主要係大半日係墾丁繼續行景點,
之後夜晚出高雄
又係超多相, 所以唔講太多~~開始luuuuu
第1站去左砂島(其實係一個灘)
d沙係珊瑚石(如果無記錯)..
係好珍貴, 所以係block左既XDDDDDD

不過環境真係幾靚就真既!!
(但我覺得可去可不去啦….)
之後去左鵝鑾鼻公園,
一定要去啦…算係地標嘛!!!
不過咁岩星期1公休…
冇得上燈塔

果到都好大架!!可以行成個幾2個鐘
不過好曬, 無頂遮,,一定要帶遮/帽呢!!!!
又有個大大大草原 最好緊係影跳跳相啦XDDD
再之後呢, 去左最南點,
係成個台灣最南最南既地方~
落左車要行一段路入去架~~~~
果段路好似宮崎峻電影入面搵龍貓果條路呀!!(吱吱喳bonbonba~~~~)
(無睇過既話唔駛理我XD)

270度海景任你睇, 睇到你唔想睇都仲有得你睇!!!!
(我知我肥XD 所以係hk我好少著背心…係國外就由我啦XD)
去完南點就一路上上上上上上上去到最高既龍盤山(中間個字唔肯定)

係懸崖黎架超驚(我有畏高症….)
所以最尾張相係細佬影的XD
沿路落經過風吹沙,
係一個墾丁的天然現象 – 落山風 造成的
條路明明係山上面,
但d落山風可以將沙灘d沙吹到上山頂

聽說那落山風季節成個墾丁都會好大風,
諗起都覺得好玩
再之後就去左一個吊橋, 好似要NT10一個人
我超驚啦…(畏高又畏水)

去左咁多地方, 其實都只係下午一點左右,
去左吊橋隔離食牛肉面 (得呢一檔野食咋..)
又平又唔錯!
個凍豆腐超好味!熱到死死下食冷盤真係超爽
再之後呢, 司機姨姨車左我地去一個花田,
嘩超靚呀!!!!!
其實唔係好大, 不過真係好靚~~~~~~~

嘿, 迪媽媽同我個pose, 好似係花田中去toilet
影完花田, 司機姨姨就車我地去海角7號既拍點
(其實我地都無睇過海角7號….XD)

係北門(好似係)有架坦克車…迪媽媽1個唔該爬左上去
超活潑的媽媽呀…..
我仲寄左張post card俾個frd,
寄完就去左食小杜包子, 勁多人等….
但司機姐姐(無啦啦換左司機..XD)識人廣闊..
打尖幫我地買..仲送左冬瓜茶…(好勁.)
唔貴仲要幾好味(不過要熱食)
之後….講出黎都覺得唔捨得..
就係墾丁既最後一站 – 國立海洋生物博物館
大人一張飛NT450 (但係司機姐姐係出面唔知邊到幫我地買$390咋!)
學生一張孩NT250
講真..本人超期待..應該說是全墾丁最期待的行程..
但…有點失望
比想像中冇咁靚同冇咁多野睇……
可能是太有期望吧…如果以平常心就會覺得佢okay既..
(我認為泰國的siam paragon入面既siam ocean world靚好多!)

最後出去竟然見到彩虹呀!!!!!! (最尾張相鯨魚身)
真係最後…墾丁byebye啦, 我會再來架!!!!!!
之後包左的士出高雄,
去到酒店都成7點幾…
有親戚係台南市, 特登出黎高雄搵我地食野
去左愛河坐下船.
都幾貴又冇咩特別…(可能同情侶去又唔同d既..)
去左旗津食海鮮,
幾好味呀~~~~
台灣有種菜叫山蘇好好味架~~~
下幾篇應該會分享到佢~(因為有影相)
去旗律好得意架..要搭船去,
架船係人同車都可以上..d人會揸住架車上埋船唔駛落車
仲去左六合夜市,
都幾冇野行….
食左個豆花, NT40左右, 凍凍地okay啦~
不過冇咩點影相(因為黑媽媽無咩野影…
可能日頭太精彩, 搞到夜晚無咩moodXDDD
結果第6日就這樣完結了XDDDDDD
有觀音頭掃把腳的感覺

來到第5天了
大家有心理準備喔, 今篇很多相呢!!
在墾丁住的民宿真的超正!!!
一早起來, 在樓下7-11買早餐,
坐在露台, 看著海, 吃著早餐,
實在..人生一大快事

某天再去墾丁的話, 說不定會再訂這家民宿!!!
今天都是在墾丁走走走,
第1站是去牧場睇牛牛呀!!!!!

餵食的都是在地下拾的草….哈哈~~
之後就出發去浮潛啦!!
地點是後壁湖
這天沒有化很多妝呢~~因為要水上活動!
眼睛很小耶哈哈~~
沒底妝的感覺果然很爽

浮潛很好玩呢!!!
水清得很!可以看到很多mo仔呀~~~
還有馬倫, 多莉!!!!(沒看海底奇兵的朋友可以skip呢2句XD)
超可惜是我沒有可以入水的相機!!!!!
運動完一番當然是要醫肚子啦
到後壁湖吃海鮮!!!!!!
超抵呀~~~
下面呢個雜錦刺身併盤(大)都只不過是NT200!!!(約港幣$50)
咁平但比香港好吃!!!更鮮味!!!!

鹹旦炒苦瓜也是台灣幾出名的小炒!!!
超級好味!~~
回港後也常在家炒, 但台灣的苦瓜炒出來更好味!!!
香港的苦瓜都比較苦(雖然我本身都食苦瓜的!)
最後一碟好像是叫魚鰾吧? 忘了哈哈~~~
這一餐也不過NT600!!!
食過午餐, 我們又出發了!!!!
去了一個景點叫出水口

感覺超壯觀的!!!!!!!!!!!
出水口那種藍, 根本是水彩嘛?!?!?!?!?!
是淺藍!!!!是淺藍呀~~~~~~~
海水怎可能是這麼漂亮的淺藍色
離開了出水口,
我們到了貓鼻頭公園

又是一望無際的海海海~~~~
我愛上墾丁了
之後去了白沙灣玩水,
本身是想到游下水的,
點知…原來墾丁是超大浪…
不是香港海邊的小浪…
是比一個人還要高很多很多的超大浪~~~~

結果, 當場游不了水.
我們便在岸邊玩浪和曬太陽
走的時候,
影左幅自己覺得幾似電影海報的相XDD

有沒有海角7號feel?XDDD (在心中得喇, 唔洗話我知冇XD)
然後, 都差不多5點了,
我們去了后灣橋, 再出發到關山看日落

日落真的真的很美,
不過其實香港日落都很美(只要天氣好)
等到太陽下山後,
我們便到了出火觀景區玩
其實那邊玩煙火是違法的…只是大家也在玩

有沒有很漂亮?
應該會有朋友問/想知, 在這裡先說好了XD
要影這種效果,
首先要相機有手動功能(m-mode)或慢快門功能(有時夜景模式也可),
將iso較到最低(大約iso 100吧),
然後再調較快門 (要畫多少秒就較多少秒吧!)
影下去就行了
玩完就去左開餐啦!!!!
這天的晚餐地點是沙灘小酒館
同台的姨姨是我們的司機喔

環境極美, 食物一級棒
四個人四樣食物一共只是NT1000 (約HK$250)
(本身好像是$1110的, 老板超好自動給我們減價!!)
晚餐過後我們也就回酒店了,
這樣一天很累, 但沿路風景都超美,
很值得去!

終於到左第4日啦!!!!!
亦終於到左最後一日係台北啦!!!!!
好唔捨得呀!!! 我真係好鍾意台北呢個地方架!!!
不過我都好期望墾丁
這一天行程:
故宮博物館西門町墾丁
這天很早起來, 去了故宮博物館呢!!!
我其實是超愛逛博物館的人(估唔到哩)
我們選擇了搭公車去
因為我想試下搭晒所有不同的交通公具XDDDD(好無聊)
到此一遊

逛了近2小時, 用超快速度
都未行晒, 行左9成地方吧?

台灣垃圾筒很少, 但很有特色!!大多都有主題的!!!
之後便回西門町拿行李
順便以超音速逛了一圈XDDD
然後便出發到墾丁了
今次我選擇了乘高鐵
原因是快!!真的是超快~~~~~~~
由台北到高雄左營站只需1.5小時
但真的蠻貴啦! 一人大約是NT13xx (跟內陸機價錢差不多)

乘搭高鐵真的很舒適
所以大家見到我d相戴左眼鏡, 因為我一早預左上車即XDDD
到了左營, 我就俾司機叔叔
因為一早已經book左車去墾丁
由左營到墾丁車程大約又係1.5小時
所以total我們只用了3小時就由台北去到墾丁啦!!!!
時間是用金錢買回來這句話非常正確= =”
因為真的很貴…高鐵+包車的費用一人大約NT2000
司機叔叔說我們超好運呢!!!!!
原來我們到墾丁的前幾天都一直下大雨
但我們在墾丁的3天都超好天氣
到了墾丁, 由民宿露台一望出去.
就沒有後悔選這家民宿了!!!(又是一間貴民宿..)

一望出去就係一望無際的海海海
墾丁的美是相入面好難表達的!!!,
大家有機會一定要去呀!!!!! strongly recommend!!!
唔夠靚?俾多張你地睇XD

同一個露台望出去, 有180度的海,
真的感受到什麼叫心曠神怡
同民宿主人傾過, 最後又決定左墾丁3天都包車
(又是貴….= =”) 不過唔包又真係超唔方便~
晚上, 到了墾丁大街
好多野食呀!!!!!
多到唔記得影相XDD 掛住行掛住食
仲唔夠喉, 去左一間叫 沙哇帝卡 的泰國料理餐館
d野又係好好味
特別推介以下2樣

月亮蝦餅 (好像是NT280)
食得出真係有蝦, 唔係純蝦膠!! 至少有野咬=D
炸得好好味, 熱辣辣!!!

菠蘿炒飯 (忘了價錢)
不像一般的口感,
記憶中它好似有比較濕身, 不是乾乾的炒飯
味道亦有別於在香港吃的
只記得很好吃就是了XDDDDDD
墾丁大街美食都很多啦!
推介義大利杯面(即煮架!!用杯裝所以叫杯面)
烤魷魚
地雷品也有XD
那兒的木瓜鮮奶真的超難飲…用奶精沖的
(我寧願去7-11買, 7-11的好味得多)
第4日就這樣完結了=D
大家要期待第5天呢~~~呵呵*

第3日主要行程
菁桐線九份士林夜市
呢日好早就起身啦!!!
因為要趕好早既火車~~~~
係便利店買左個飯團+蘋果汁做早餐
台灣d便利店真係好多好野食, 同香港間7仔差天共地

早一日就落大雨
呢一日上天對我地好好呀!!
個天真係一千個晴天加埋都冇咁藍呀!!
首先行左菁桐線先
我地既行程係由尾去番頭, 去左菁桐, 平溪 同 十分

菁桐果邊d景好靚, 鍾意既人一定要去
但我細佬同媽咪就唔多識欣賞…..
果邊好似日本鄉下咁..好得意, 好有feel

真係好有特色既地方黎架
不過冇行街冇好野食咁解之嘛
個呀婆冰, 都唔係唔好食既..冇咩特別姐哈哈
不過咁熱, 緊係食番個啦

午餐在十分解決, 唔平,,咁樣一餐好似要NT350
不過有冷氣有電視, 都唔錯
同埋都好好味!!!
一個係蒜_白肉, 另一個係客家小炒

唔知點解會突然想影下個妝俾大家睇
但影完發現, 咪同平時d妝一樣XDDDDDDD
迪媽媽是超瘦人 坐得咁hea都無肚腩
之後去九分, 雖然同十分個名好似,
但其實係唔同地方黎架..都要成個鐘先到

九份是旅遊區, 真係好多手信賣
我地都買左好幾盒, 有太陽餅(NT200/6個), 一口酥(NT150/包)等等
果到仲有阿原肥皂賣, 我同細佬都一人買左一舊
下次放相~~(因為未影)
而食物手信既相….呢世都冇得post, 因為已經消化晒啦
之後呢, 就搭客運到忠孝敦化, 因為要拎訂左既假眼睫毛
係呀…要訂架..好煩
再之後, 拎番晒d野返酒店, 就出發去士林夜市

士林真係次次去都咁多人,
其實係咪真係好好食, 我又唔覺
個雞排真係好好味, 官財板都好好味!!!
但其實就, 不過不失啦!~
最尾張相係我同肥細佬哈哈~~出賣左佢xd
我果杯係白苦瓜汁(NT50), 勁細杯
肥細佬果杯係勁大杯既巧克力雪泡, 只需NT30
之後係士林到行, 果邊夜市好大好多野賣,
又好平~~~~
我都買左個好靚既髮飾 NT150
呢個賣得好貴呀…但真係行左成個夜市,
都係得一個,
仲要之後成個台灣都搵唔番一樣,
好彩買左咋
之後番酒店前又係西門買左好多小吃
其中大家去台灣一定一定要食既係蔥抓餅,
真係一千萬個好好好好味架!!!!!!
一個大約NT25~NT50(睇口味)

呼呼呼
到第2天了!!!!
一起身+
點解會咁架…….勁大雨呀真係!!!!
不過都不要緊…
今日的主要行程:
代買午餐代買淡水晚餐(本身plan去師大夜市的)
其實大家都見到.
頭2日代買都佔左好重要既位置,
因為我想拿拿林買晒, 唔駛心掛掛…..
你可能會問, 咁咪少左好多時間玩囉
咁又唔會話少左好多既, 因為果d地方我都會去行街.
不過真係為左代買出出入入左好多間watson’s同埋康是美姐…..哈哈
早餐, 因為太眼訓冇影,
係西門町watson’s對面既鋪頭食魯肉飯(NT20)+煎蘿蔔糕(NT35)
真係超好味架!!!!!!
因為上次去台灣食過, 超驚喜!
今次要翻食
之後第1站係去忠孝sogo買代買,
去左chic choc, 個ba姐姐好好人呢
台灣d ba都真係超好!!!!!
知道我係幫人買, 除左俾samples for買野果d,
仲俾samples我!!!!!
不停問我有冇帶夠skincare去, 冇既話俾我
咁我都唔係貪心小朋友黎既,, 所以都係要左一支仔咁大把
其他samples都俾晒買野果d人
午餐去左食 度小月

呢餐記憶中唔算好貴, 中價啦,
好似呢4樣野加埋NT320
個人認為度小月可試, 但擔仔面真係冇咩特別
反而魯肉飯就(不過西門果間好食好多)
個滷豆腐d豆腐唔似香港咁林, 實實地, 幾得意, 幾好味
個蝦捲都幾好味, 好脆
之後就去左頂好名店城代買假眼睫毛
原來入面得2間有得賣……
價錢一樣, 上面係叫宏美, 下面唔記得…
不過宏美d態度好差….我冇去到
下面果間係3姊妹經營架, 佢地都係姨姨級
tips同價錢遲d再開post講
買完後就去左淡水,
雖然落雨, 但唔去又唔知去邊好….

終於有我個樣俾大家睇啦XDDDDD
今次雖然有成千張相…但原來我地好少影人,
成日埋晒d無聊野

去到淡水依然好大雨….
好失望, 上年黎好繁榮好靚架,
今次因為落雨, d鋪唔開, 所以好冷清
所以就以食為主啦哈哈
左邊果杯係天仁茗茶既綠茶唔知咩(NT90) 細佬好鍾意飲
都幾好味既, 茶味幾出, 但個人覺得都頗甜
去左食周杰倫饂飩(圖右上),
唔係為去而去, 只係咁岩經過時超超超大雨, 所以入去避雨
價錢唔太記得..好似兩樣加埋NT90
個饂飩比想像中好味, 因為個樣太平凡XD d肉幾鮮, 唔錯呀!
反而個蔥油餅麻麻地, 可能凍左dd
台灣d蔥油餅係d蔥塞晒係個餅入面架~~幾得意
周圍行, 細佬話要試土耳其雪糕(NT50) (圖右中)
個肥佬玩左一陣先俾個雪糕我地XD
佢玩玩下, 我突然尖叫話未影相, 佢bug番晒d雪糕走再黎過
本來係plan係淡水情人橋睇日落…
但咁大雨都冇得睇..就唔waste$搭車去喇
番酒店放低d野
番到酒店打俾個台灣朋友,
因為有d野要俾佢, 佢帶左我地去佢間鋪..
好勁架佢..而家有埋自己鋪!!!!(佢係做畫cap帽起家的)

因為好驚佢唔認得我, 所以我帶左佢送俾我既其中一頂做記號XD
今次佢又送左沖浪繩同埋postcard俾我. 好感動!!!
因為我係上年去台灣先識佢, 佢已經畫左2頂帽送俾我!!!!

上年既我地,,,仲係長頭髮架!!!!!!!
頂spongebob係我望住佢用15mins左右畫出黎, 好勁!!!
而家既佢已經係老板級數, 仲上過康熙來了
之後, 我地本身plan去師大夜市,
但因為仲係超大雨既關係…..唯有cancel,
去左食肥前屋,
肥前屋本身都會plan去食lunch, 而家改改行程, 仲冇咁迫添

價錢呢個真係唔多記得喇…大既飯好似NT240?
唔好講笑, 超級好好好好好好好好好好好好好好味!!!!!
香港真係未食過咁好食既饅魚飯!!!!!
肥美到又香到呢~~~~~~諗番起都想飛過去食呀!!
個旦捲反而覺得普普通通, 唔係唔好食, 但係囉…咪又係旦捲..
不過以呢個價錢黎講算好好味!(唔通咁平,但好似千兩咁好味咩=v=)
之後又係附近行下, 就回西門了,
食左每次去台灣都必食既3兄妹雪花冰
又係係西門watson’s附近的

上面係綠茶紅豆 (NT110)
下面係…….哈哈,
本身細佬嗌左巧克力的, 但唔知點解黎既時候變左綠豆蒠米,
同個職員講啦, [...]

呼
終於的起心肝開始寫啦~~~
希望大家有期待過我寫遊記啦!哈哈
3部相機太多相啦, 多到post唔晒
只好揀d揀d黎post
是次旅行是迪媽媽提出的,
她幾十年前去過1次台灣(跟團), 之後也沒去過
迪上年跟同事一起去, 之後一直唸著要再去.
所以迪媽媽就說不如去一次吧!
碰巧迪細佬又不用上班, 所以又一起了
迪爸爸就可憐了, 一支公係香港
先說說一些基本資料,
是次旅行是迪一手計劃行程
由機票到住宿到景點到食飯地方都一手包辦去策劃
很辛苦呢!!!!
我們乘的是港龍早機($1080加稅)
台北住宿是位於西門的長虹大飯店($480/晚)
出發嚕!!!!

第一天,我們去了
永康街的鼎泰豐台北車站(代買)西門(代買+拿payeasy)101大樓饒河街夜市
先打的到鼎泰豐, 好多人呢,
好似香港咁要排隊(<<還是用口語親切一點XD)
所以我地拎左號碼牌就拿拿林去對面的國泰世華銀行唱$了
台灣的銀行很好, 有職員負責維持秩序的!!!
之後番去鼎泰豐, 號碼過了
不過一早通知職員去唱$, 所以下張台就到我地啦!

其實台灣食鼎泰豐都唔係話特別平, 呢餐3樣野都要NT5xx
不過至在話食過囉….
好唔好味? 又唔係話特別好好味, 唔差啦
同香港有咩分別? 食物我真係覺得好少少而已(感覺上), 但服務真係好到加零一!!!
冇理由坐個小黃(台灣的士)只係食個鼎記咁豪架嘛!
所以就去左冰館啦!

又係唔平架, 一個大約NT130
幾好味, 不過太多冰..
芒果真係好甜好好味~加埋牛奶好正!!!!
之後的行程都係代買同代買, 咁就冇影相啦!
台灣買美妝品的tips, 應該台北之遊記完成後, 墾丁之遊記前會打出黎
代買完, 回到酒店放低野, 就出發去101啦!

上次去台灣沒去過, 一直懷恨在心(?!)
今次一定要去, 找不到接駁車, 只好一路行去,
由捷運站到101, (慢慢)步行大約15分鐘左右啦~
上去89及91樓要NT450 (學生好似係NT350)
值唔值得? 我覺得呢d地標, 點都要去一次既!
好似去香港唔上山頂(而家山頂觀景台都要俾$啦)都覺得爭d啦
夜景就個人覺得每個地方都好靚, 不過一定唔夠hk靚
只係靚夜景既背後其實係耗電和不環保…..
小tips:
由於門票太貴, 如果大霧, 就唔好去啦…
咩背囊係唔上得去的, 但售票處附近有免費locker
本身想搭捷運去饒河街, 但太支力既關係
還是靠小黃

饒河街我也是第1次去呢
最出名的是胡椒餅(是造的),一個好似NT45, 真係幾好味!!
短短的一條街, 人流不多, 個人覺得一般, 可去可不去
離捷運站頗遠…但中間隔左個五分埔, 可順便去行
行了一個圈5分埔, 覺得…不外如是
那裡的style是旺中style……..
之後便回酒店了, 好像很少行程,
但其實回到酒店已經11點了