迪的生活碎碎念

終於到第7日,
幸好給自己set左時間,
所以迫自己唔好懶, 要打!!!!哈哈

這天行程,
可以概括為 行街 – 食飯 – 再行街 – 再食飯 (完)
高雄景點不多….所以, 時間也超充裕…..

第1站, 我地去左影高雄必影既美麗島站
跟肥細佬搞gag, 美麗島站真美麗XDDDDD

之後時間仲早, 去左漢神巨旦行街街
迪媽媽有收獲喔!
呢間野賣牌子多, 不過都幾好行,
又有好多野食~~~(平既有mosburger,雪糕等等, 貴既日本料理都有)

之後行到咁上下, 就去左今日既重頭戲 – 便所餐廳
這個基本上是肥細佬去高雄的主要目的
香港的便所餐廳評價麻麻, 所以我地無去過
來到台灣, 當然去下啦!!!(正宗d嘛!)

我地嗌左2個main course+1個小食+2個dessert+2杯野飲,
total好似NT1000唔駛! 好抵呀!!!!!!
最抵係個甜品, 因為嗌maincourse +NT40就有~~
香港邊得呀

味道都唔錯, 唔叫超好味, 但一d都唔難食,
咁都係食環境姐~~~~~

不過都有樣野幾好笑,
岩岩去到果時,成間餐廳當時除左我地3個,
只係有1台賓賓…仲要好明顯係遊客樣
賓賓也去台灣???(冇歧視成份~~~)哈哈~~~~

仲要一提的是, 餐廳侍應都超．好．人
好服務, 有求必應,
當時因為少人 , 所以上層係冇開放,
但我地話想上去影相, 佢都即刻開燈開冷氣俾我地上去影!!

食完野, 就去行街啦!
去左夢時代先! 地標嘛!

入面有個好夢幻係細路仔地方, 好靚呀!!!
(我好白痴我知XDDDDD)

不過其實…..唔好話我話佢啦…..
大而無當 都冇咩野好行既…..
最好行咪間大創39元店囉(即係香港吉吉島$10店)

所以呢, 行左個幾鐘(因為都幾大下..)
就走左

去左原宿商圈+新堀江

如果同朋友行, 都好好行架! 好多野買(我都買左一條鏈)
首飾幾靚幾平, 好多韓國風/日本風既衫

不過同媽咪同細佬行, 感覺上就有d…..
一來細佬唔鍾意陪我地睇女裝,
二來我媽咪一向好極力唔俾我買衫的

結果除左條鏈之外, 消費淨係有呢個包咋…
嗯. 麻麻地好味, 可以不試(似麥記包…..)

之後因為細佬有要求 (搵芒果)
所以我地去左d大型超市…
地方名…唔係好記得啦XDDDD 又係d咩咩百貨咁啦

條魚好好笑, 好似戴左大眼con,
等我除左佢先XDDDDDD

因為地方近, 加上天開始暗, 所以去埋城市光廊
影相都幾靚既, 但都幾無聊
可能係當地人就會無野做去坐下hea下傾下計啦…
經過去下都幾好, 攝時間都幾好,
但特登去..趕住去就……可以免了XDDDDD

之後行去捷運站,
天色好靚, 所以都影左幾張相

自拍又係可以唔洗理我XDDDDD

個捷運站有個好大既啤酒罐 (exhibition?)
我細佬呢個酒怪(雖然未成年)當然入左去啦~~~
小心醉呀死o靚仔

我地返去夢時代, 搭果個傳說中的摩天輪!
係台北冇去美麗華..結果係高雄玩!
仲要透明箱~~~

好搞笑,. 每個箱都有1個sanrio cushion俾人攬住
我畏高….當然唔理個cushion 一日俾幾多人攬過都死攬住佢啦XD

夢時代地下呢個位好正, 台灣7-11的卡通其實幾可愛

由於有親戚住台南市仲要特登坐火車過黎,
所以又一齊去食飯(佢帶路)
上左山..食土雞(即係我地叫既走地雞)餐

地點同餐廳名我都唔太清楚, 淨係知係圓山大飯店附近~

我諗冇咩tourist會去高雄食呢d, 因為旅遊書冇講~~
但好好味喎又!!!

呢個就係我上一篇講既菜啦!!!
叫山蘇,
好似話得台灣有咋(我係香港真係搵唔到!!)
好好味架~~同埋好得意,
菜葉個尾捲埋左架~~~好爽甜!!!正~~~

高雄(或者成個台灣都可能有)餐廳好多都有得食呢個,
大家去可以留意下呢!!!!

食完晚餐…都夜luu*就回酒店了!

第7日, 就是這樣囉