迪的生活碎碎念

今日同識左7年既朋友出街獵(美)食

其實全部我都食過,
仲要係好鍾意食既野, 所以想係呢到分享俾大家

首先第1站係中環既Shake’em Buns
其實我都食過佢2間分店, 銅鑼灣同中環
中環就少d人, 味道就其實一樣的

基本上呢, 上面既小食我都食過晒架喇!!!(super fansXD)
但burger呢, 就食來食去都係Cushin’ for the Pushin’ ($58)
點解? 因為我係芝士怪

今日決定轉轉口味, 食Magical Mushroom ($65)
一個包好大架, 我同朋友決定斬開佢share

呢個都好好好好味!!!
d mushroom sauce同塊肉好夾!!
舊牛肉唔記得影添!!!一百個厚呀!!!!!
我諗足足有一吋半厚呢!!!!

小食方面我地嗌左Poutine “A”($39),
係一個有汁+芝士的薯條

加埋garlic sauce, 超好味
雖然薯條唔係有薯皮果d,
但即叫即炸, 好新鮮, 熱辣辣真係好正

飲品, 我只影左自己果杯咋XDDD
Blue Temptation($35)

係藍莓奶昔,唔太杰, 唔太膩
食得出入面真係有藍莓架!!!

呢餐食完, 我地沿路上左中上環,
去左勝香園

其實呢間大排檔…佢唔係出左名, 我都唔知佢叫勝香園..
我以前細細個係果條街出世係果條街住..
食左起碼7年….
煮野食既姨姨同叔叔, 做侍應的嬸嬸到今日去都認得我
果時佢又唔係食蕃茄面果d架…
只係一般茶餐廳既野食…
而家出左名, 超級多人…上幾次去到仲要等位…..
今日4點左右去到, 好彩唔太多人

由於個肚已經有好多野, 所以唔嗌太多喇~~~

牛油檸檬汁蜜糖脆脆 ($8)

雖然好簡單既一個脆脆, 但幾樣汁加埋又出奇地好match!!!
係招牌菜吧!!!必叫

混醬麥多 ($8)

突然想食厚多士, 見呢個咩醬都有, 就嗌了
不過不失, 勝在唔貴又厚, 抵食呀!!!

全部野都即叫即整, 一定好味同有益過食m記啦!

其實呢個時候我地已經超級飽,
但我地堅持到最後一站, 過海去松記糖水

由於真係太飽…食唔落招牌summer,
結果我嗌左 楊枝甘露 ($18)

我覺得發記做得好味d姐…..

朋友嗌左芒果雪花冰配雜果底 ($33)

台灣好味好多…不過香港有得食, 叫做可以頂頂癮啦哈哈
不過$33好似貴左少少.

前一兩年去松記覺得好好味架,
而家好似退步左….
可能summer依然好味..不過今次太飽食唔落XD

最後, 臨別前自拍了

今日個唇好nude呀!!!
但隻nude色唔會係病色~~~
用既係一支新唇膏
聽日(如果晚上有空)出番篇好耐冇出既敗家文先!!!
前日係shiseido大出血呀!!!